Алма бөртеге язмалары

Аллаһка шөкер!Йехххооооууу! Миңа копирайтер булып эшләгән өчен февраль ае акчасын бирделәр. Әлбәттә, конвертта. Төп эш урыным булганга күрә, бу мине әллә ни куркытмады. 25 февральдән эшли башлаган идем, әз дә түгел, күп тә түгел — 1 мең булды эш хакым. 4-5 көн өчен начар түгел дип уйлыйм) (Исегезгә төшерәм, бу минем өстәмә эшем, подработка).

Киләсе з/п апрель уртасында гына була — тәртипләре шундый. Бу айда эшләгәннең акчасын киләсе айның 15нче числосында аласың.

Мәкалә языр өчен бирем эзерләүче Эдуард бик мөлаем кеше. Тыныч кына нәрсә кирәген аңлатып бирә, кирәк чагында мактап та җибәрә) Копирайтинг өчен хәтта аська да булдырдым. Эш шунда, кайчак биремнәрне ашыгыч рәвештә үтәргә кирәк. Андый очракта копирайтерлар җитәкчесе телефонга смс яза я шалтырата. Ләкин эш барышында туган вак-төяк сорауларны смс аша җибәрү уңайлы түгел. ISQ бу проблеманы хәл итә.

Һеммм… Монда мине бик нык тәнкыйтьләгән Динарга сүзем шул: кичәге студентка мондый «подработка»ның гөнаһы юктыр.

Кыскасы,әлегә мин бик шат һәм яңа эшемнән риза.  Алга таба күз күрер 🙂

Бүген иртән радио тыңлыйбыз. Кунакта Вамин директоры. Имеш, кабинетында «Курыксаң, эшләмә, эшләсәң, курыкма» дигән девиз эленеп тора икән. Әти көлә: «Моның девизы бит «Курыксаң, урлама, урласаң, курыкма» дигән, ди. Урыслар шул директорга төртеп, әнә, татарлар нинди карак дип көләләр, аның караклыгы турында легендалар йөри, ди.

Тәки язырга мәҗбүр итә бит мине….) Башка автомат терәтеп яздырмаса да, чатка кергән саен гел исемә төшерә Хуҗа: яз минем турында, и вчу! Берни белмим, ату үпкәлим! Башка берәү булса алай бик ис китмәс иде. Ләкин Хуҗа турында язырга кирәк, үзе сорагач. Беләсезме нигә? Чөнки ул мине чатка ияләштерде)

Иртән иртүк сәгать 9да чатка керсәң, һичшиксез, я Хуҗа, я энесе чатта булырлар. Хуҗа үзе ниндидер чат сакчысы сыман күз алдына килә: оялып торганнарны сөйләштерә, әрсезләрне тәртипкә утырта.Илдар мин чатта танышкан кешеләрнең берсе. Һәрвакыт тәмле телле, кергән саен берәр матур сүз әйтүе белән үзенә җәлеп итә. Кәефне дә күтәрә. Эштә берәрсе рәнҗетсә, мин гел аңа зарланып алам 🙂

Берәр әкәмәт никлы кеше утырса, көт тә тор, Илдар ул. Аннары үзе беренче булып яза да әле, бу мин дип.  Ахрысы, күңеле гел яңалыкка тарта, шуңа ник алмаштырадыр 🙂 (мин, мәсәлән, гел бер никтан гына керәм). Илдар-Хуҗаның миңа ошый торган сыйфаты: без чатта урысча бакылдап утырганда, ул гел татарча яза. Маладис вупшем! Чын татар егете, үзе дә, энесе дә.

Шуңа күрә чатка керүе рәхәт тә: сине каршы алучы яхшы күңелле кешеләр булганга. 🙂

Ник яз дисең дигәч, мәңге чатта утырмам бит, истәлеккә калыр диде ул. Хм. Чынлап та, берәр кайчан барыбыз да укып бетеребез, җитдиерәк эшкә урнашырбыз(Алла бирса). Гаилә, бала-чага, йорт — инетка, чатка вакыт та калмас. Шуңа күрә, кадерен белик чатның да, әңгәмәдәшләрнең дә.

Булды, җитте!!! Бүтән чит галәмнән килгән илбасар-инопланетяннар турында кино карап акча әрәм итмим! Якшәмбе дус кызым тагын! Чираттагы! Фантастик боевик карарга алып барды! Һәм беләсезме, дуслар, мин сезгә ни дияргә телим? Гарык мин бу шаблон сюжетлы фантастикадан!!! Юк, чынлап. Мин шундый гүзәл science fiction — фәнни фантастика үрнәкләрендә үстем =) Секретные материалы, Стар трек, минсиңайтим. Тын да алмыйча мавыгып, бирелеп карый торган фантастика бар иде элек. Ә хәзер…Әллә сценаристлардан илһам киткән, әллә ялкауланып беткәннәр…

Шунысы факт: хәзерге бөтен фантастик кинолар бер беренә ике тамчы судай охшаш! Хәтта комп. графика ясаган чит галәм монстрлары да барысы бертөрле. Шул ук бер төрле атыш-шартлау-чинаш. 150 минут буе экранда иләмсез пришелецлар мескен кешеләрне турый, яндыра, батыра, һ.б.  Инопланетяннар җирне басып алалар и тра-ля-ля, американнар батырларча алар белән сугышалар. Фуууу. Скайлайн, Инопланетное вторжение — барысы да бер төрле, эчпошыргыч сюжетка корылган. Бернинди яңалык юк. Элек бәйрәм кебек көткән фантастик фильмнарны күрәсе дә килми бүтән.

Булмас.ру га мине Матбугат.ру китерде. Кызык өчен генә чат ссылкасын ачып карагач, мин бу чатка шактый озакка кереп баттым. Чатларда элек тә утырганым булса да, татар чатына беренче керүем иде.

Беренче тәэсир. Монда мәктәп балалары гына ахры, фууу, ужас, киттем моннан тизрәк. Информатика дәресеннән качып кына интернетта утыручы 7нче сыйныф укучылары (контакт заблокирован бит), мәктәптән кайтып дәрес хәзерлисе урынына чатта болганучы бала-чага…Уф, дип куйдым. Килделе-киттеле язышулары, тупаслыгы белән ачуны китерделәр башта. Ләкин иң кызыгы әле алда икән. Үз яшемдәге хәйран шәп кызлар-егетләр белән таныштым, аларны контактта дусларга өстәдем. Алар «сәлам» диясе урыныа «иди нах» дип язучы малолеткалар ише түгел инде. Киресенчә, минем белән бер чама яшьтә, юморлы, чая, шаяртуны аңлый торган кешләр. SpbTalk, Шәп), Зарина, Ильсур, Хуҗа Насертдин, диляраа, ИРКӘ, cold — әгәр укысагыз, белегез, бу сезнең турында)))  Кайберәүләр белән дуслашыр өчен киресенчә, башта пыр тузып талашырга кирәк. Мәсәлән, Кишер,[ Президент] һәм Ненависть. Сезне үпкәләткән булсам, гафу итегез…)

Языша торгач, мин чатның кызыгы нидә икәнен аңладым. Беләсезме, кешегә кайчак хәтта чит-ят, белмәгән-күрмәгән кеше белән дә аралашу файдалы була ала икән. Кайвакытта берәр яңалыгың була — сөенечме, көенечме, шуны кем белән уртаклашырга белмичә ялгызың утырганда. Кем ни турында яза: кемдер егете белән талашкан, кемгәдер 24 куплетлык шигырь ятлыйсы, кемнеңдер баласы чирли, һ.б. Әйе-әйе, гаҗәпләнмәгез, чатта бала-чагасы булган 30-35 яшьлекләр дә кызык табып утыра. Кайчак бит җитди кешенең дә бераз җүләр сатып утырасы килә.

Танышулар. «Егет эзлим», «Ялгыз кыз», «Кызлар сез кайда» кебек никлар белән керүчеләрнең максаты аңлашыла. Үз парын табырга телиләр алар. Әйе, булмас.ру — флирт оясы да ул. Тиз генә берәр кеше белән танышыр өчен шәп урын. Инде мондый әрле-бирле танышулар нигә китерергә мөмкин, монысы инде икенче мәсъәлә. Чөнки җиңел генә танышу җиңел генә бер-береңне онытуны аңлата күп очракта.

Никлар. О-ооо, монысы минем яраткан тема. Нинди генә авыл-шәһәр исемнәре, предмет-хайван атамалары юк монда… Куян белән Бүре дә, Бик Ути-Сити белән Сарман кызы да, Кәбестә белән Чөгендер дә… Кызлар күбрәк чибәркәй, матуркай, красотка ише исемнәрне хуп күрәләр. Егетләр дә алардан артка калмыйлар.  Бары тик булмас.ру да утырган кеше генә бу ситуцияне аңлый ала: керәсең чатка, анда Мансур никлы бер егет утыра. Бераздан чатка Жена Мансура дигән ник керә. Аннары Мансур черт дигән. Аннары Мансурның эте, Мансурның бабасы, Мансурның улы, һ.б.лар белән бөтен чат тула., хәтта.. унитаз Мансура да бар 🙂 Кыскасы, «Мансур»ның бөтен гаиләсе җыела 🙂 Һәм мондый җүләр кызыклар чатта көн саен булып тора.

 Чатның тискәре якларын санап китсәң — вакытны ала 🙂 Шуңа күрә артык озак утырмаска тырыша

 Сүгенү турында. Әдәпсез сүзләр шактаааай куллананлар чатта. Хәтта шундый кешеләр бар: махсус берәр ахмак никтан кереп, рәттән бар кешегә пычрак атып утыралар. Андыйларга игътибар итмәү кирәк, алай итсәң, үзләре үк туктыйлар. Ләкин гел сабыр булып та булмый: талашка баш-аягым белән чумам. Аннары үземә үк оят була: җә, нигә кирәк инде тәрбиясез бала-чагага тел әрәм итеп утыру? Мине тагын бер әйбер шаккаттырды: 7-11 сыйныф балалары, кызлары-малайлары, шууу-уу-ндый иттереп сүгене җиффәрәләр, мин алар яшендә андый сүзләрне ишеткәнем дә юк иде 🙂

Яңалыкларым шул: мин копирайтер булып эшләргә булдым! Барысы да бик гади. Работа.ру да резюме элдем да, бер фирмадан шалтыратып собеседованиега чакырдылар. Әллә ни катлаулы булдмады — мине хәтта бу өлкәдә эш тәҗрибәм дә булмаган килеш алдылар. Дөресен әйтим, копирайтер булып эшләгәнем булмаса да, язу-сызу эшендә аптырап калмыйм мин. Мәктәптә стенгазета ясау, сценарий язуларда гел катнаша идем, хәтта журфакка да кермәкче идем. Әти-әни генә анда барма диделәр, күңел дә алай каты тартмады, шуңа күрә башка җирдә белем алдым. Ләкин язгаларга барыбер бик яратам)))

Аралаш.ру да оригами турында язгалагач, мин әрсез кыяфәт чыгарып, «оригами турында мәкаләләр яздым» дидем. КИСИны бетердем дигәч, күзе шар булды эшкә алучының, ник копирайтер булырга телисез ди. Мәйтәм, подработка булыр дим))) Эшләгән җиремне әйтмим, ату проблемаларым булачак дигәч, төпченмәде тагын (эшем бар, ләкин кайчак буш вакытым була. подработкага җитәрлек. ләкин начальством бу подработкам турында белмәсә, хәерлерәк булыр)))

Башта мине сынап карарга булдылар. 3 мәкаләң ошаса, алабыз, 1 ай сынау срогы белән, диделәр. Мәкалә билгеле бер темага язылырга һәм билгеле бер күләмдә булырга тиеш. Кыска мәкалә — 500 билгедән (знак) башлап, контекстная ссылка — 1000 билгедән 2 меңгә кадәр. Өстәвенә, текстка махсус сүзләр: анкор (төп текстта бер сүз яки сүзтезмә, астына сызып билгеләнә) һәм ключевиклар (темасына карап, кара шрифт белән күрсәтелә). Мәкалә темалары төрле-төрле. 2 атна эчендә тайм-менеджмент турында да, туй күлмәкләре, Адлер кунакханәләре турында да язырга өлгердем. Язуы авыр түгел. Төп критерий — статья вакытында тапшырылырга, бөтен оформлениесе дөрес булырга һәм күләме җитәрлек булырга тиеш. Эчтәлегенә әллә ни таләпләр юк — язмалар гәзит өчен түгел бит. Иң  мөһиме, хатасыз һәм укырлык булсын. Шедевр язу мәҗбүри түгел))) Ләкин шулай да тырышлык кирәк. Кайчак бик күп язырга кирәк, вакытына өлгертергә. Хатасыз, дөрес җөмләләр төзи белү дә мәслихәт. Әгәр дә дедлайн – соңгы срокны да үткәреп җибәрсәң, язуның мәгънәсе калмый.

Бушка инетта вакыт уздырганчы, копирайтер булы эшләү хәерлерәк. Инде акчасын да түләсәләр, бигрәк шәп булыр иде )))  Болары турында алга таба язырмын әле, Алла бирса.