Алма бөртеге язмалары

Копирайт бүлеге җитәкчесе, Эдуард әфәнде куандырды бит әле. Бер көнне сораган идем, мәйтәм, кайсы копирайтерның эше авыррак — гади копирайтермы, сеомы? Шту син, Алма, әлбәттә сео авыррак, ди. Сео — высший пилотаж ул, ди. Оешмада 3 копирайтер эшли, берсе просто копирайтер, икесе сео. Сеоларның эш хакы ике тапкыр артык. Башым күккә тиде, чынлап әйтәм)))

Аңлатып үтим. Копирайтинг — төрле темаларга мәкалә-статья язу. Сео-копирайтинг — интернетта продвиженческий статья язу, ягъни мәсәлән, сайт нинди дә булса сүз-запрос буенча яндекс һәм башка эзләү системаларының топына чыксын өчен. Сеоның авырлыгы — теләсә нинди сүзне теләсәң күпме кулланырга ярамый: һәр сүз билгеле тапкыр кабатланырга тиеш, мәкалә билгеле бер тәртиптә язылырга тиеш, һ.б.

Корбанов Динар иптәш мине интернет чүпләүче гауна-контент язучы дип санаса да, МИН АНЫҢ БЕЛӘН КИЛЕШМИМ ҺӘМ АЛЛАГА ТАПШЫРЫП ҮЗ ЭШЕМНЕ ДӘВАМ ИТӘЧӘКМЕН, ЙЕХХООООУУУУ ^_^

Каенанам сөйләде моны. Һәр гаиләдә теллгә оста, тиктормас бала буладыр ул. Менә Чүпрәледә бер туганнарның баласы бар, шундый шук, усал. Бер көнне, бу бәләкәй чагы әле, урамда ләчтит сатып утырган әбиләр бу малайны сөйләштермәкче булганнар.
— Бу кем? — дип бер әбигә төртеп сорыйлар баладан.
— Баба-Яга! — димәсенме малай!
— Монысы кем?
— Янтык әби!
Шулай бөтен әбиләргә усал гына җавап биреп утырганда, каршыларына каенанам чыккан. Эштән кайтып барышы, киемнәр матур, пөхтә, прастуй халат кына түгел.
— Бу кем? — дип сорагач, малай, озак уйламыйча,
— Әәәә, бусы әле СВЕЖИЙ КАРЧЫК ИКӘ-ӘН! — дип сузып куя.
Ике көн буе хихылдап йөрдем шул «свежий карчык» сүзеннән, җүләр сыман)))))

Мин кешеләрне күзәтеп йөрергә яратам. Уйлап та куям, кеше искиткеч гүзәл җан иясе бит дип. Миңа никтер кешенең кашлары нык тәэсир итә. Танышканда кашка игътибар итәм. Бәлки, үземнең каш сыек булгангадыр инде) Сап-сары кашны карандаш белән сырламасаң, аның бар икәнлеге дә күренми.

Ике танышымның кашлары прәме карап туймаслык! Һәм мин бу очракта җеп иттереп пинцет белән чүпләгән, өстеннән карандаш белән сызган модницаларны әйтмим. Матур каш ул калын да булырга мөмкин. Иң мөһиме — матур итеп бөгелеп торсын (изгиб). Чын татарча, чын төрки, кап-кара кашларга кызыгып карыйм. Эх, матур кашлы иптәшләр, кадерен белегез матурлыкның)))